Printerlər və növləri

 

Printer nədir?

Printer kompüterin xarici qurğularından biridir. İstənilən sənədin çap edilməsi üçün istifadə olunur. Sənəd şəkil, mətn və ya hər ikisinin birləşməsindən ibarət ola bilər. Printerlər rəng sayına, mürəkkəbin tipinə və iş prinsipinə görə bir-birilərindən fərqlənirlər.

 

Printerlərin hansı növləri var?

 

Bu gün inkjet, lazer, termal və üçölçülü (3D) printerlər daxil olmaqla bir neçə növ printer istifadə olunur. Hər birinin özünəməxsus xüsusiyyətləri və istifadəsi var.

 

İnkjet printerlər -  kağız üzərinə mürəkkəb səpərək rəqəmsal təsviri yenidən yaradırlar. Bunlar ən çox yayılmış şəxsi printer növüdür. O , kağız qidalandırıcı qurğu, mürəkkəb kartuşu, çap başlığı, stabilizator çubuğu və kəmərdən ibarətdir. Ev və ofis üçün nəzərdə tutulmuşdur.

 

Lazer printerlər – quru mürəkkəb tozundan, yəni tonerdən və lazer şüasından istifadə edərək sənədləri çap edirlər. Lazer printerlər yüksək kağız tutumuna və inkjet printerlərə nisbətdə daha məhsuldar çap sürətinə malikdirlər. Adətən ofis və müəssisələrdə istifadə olunur.

 

Termal printerlər – katric və lentlər olmadan fəaliyyət göstərə bilirlər. Boyanı materiallara ötürmək üçün istilikdən istifadə edirlər. Bu tip printerlərə daha çox satış nöqtələrində rast gəlinir. Adətən qəbzləri, etiketləri və barkod etiketlərini çap etmək üçün istifadə olunur.

 

Led printerlər – lazer printerlərə bənzəsələr də, onlarda lazer işığı əvəzinə çap başlığına yerləşdirilmiş işıq yayan diod massivindən istifadə olunur.

 

 

Üçölçülü printerlər (3D) – sənədləri daha keyfiyyətli çap edirlər. Əsas üstünlüklərindən biri də obyektlərin 3D formatında çap edilə bilməsidir.

 

Foto printerlər – inkjet printerlərə bənzəyirlər. Çoxsaylı mürəkkəb katriclərdən istifadə edərək yüksək keyfiyyətli, dəqiq və canlı foto çapı üçün imkan tanıyırlar.

 

Printer qiymətləri 

 

Printer qiymətləri printerin modeli və funksiyalarına görə müxtəliflik təşkil edir. Həm büdcənizə uyğun, həm də keyfiyyətli məhsullar əldə etmək istəyirsinizsə, ilk öncə sizin üçün yararlı olacaq modeli düzgün təyin etməlisiniz.

Ofis, ev və ya müəssisələr üçün nəzərdə tutulmuş printer modelləri haqqında texnon.az saytına daxil olaraq məlumat əldə edə bilərsiniz. Axtarış prosesini asanlaşdırmaq baxımından filtirləmə funksiyası ilə istər printer qiymətlərinə, istərsə də populyarlığına görə məhsul çeşidləri arasından seçim etmək mümkündür.

Printer qiymətləri üzrə seçim bəzi hallarda əhəmiyyətini itirməyə başlayır. Hansı ki, siz artıq güvəndiyiniz və araşdırmalar nəticəsində funskiyalarından, məhsuldarlığından əmin olduğunuz modeli dəqiqləşdirmisiniz.